Makedonski pravoslaven Bozik - KOLEDE t.e. BADNIK

Badnik - Kolede

ДОЈДЕ ХРИСТОС И ГО ОЗАРИ СВЕТОТ
СО СВЕТЛИНАТА НА РАЗУМОТ

"Христос се роди во тело. Синот Божји стана син човечки. Зошто? За да не направи и нас синови Божји. На земјата се роди Оној кој е извор на целокупниот живот, цел на тој живот. Пред 2003 години во Витлеем Јудејски, во пештера, се роди Спасителот на светот Господ Исус Христос".

Седми јануари, нулта година. Ноќ, помеѓу сабота и недела. Христос се раѓа! "Дева денес го раѓа оној што постоел отсекогаш и земјата на недостапниот пештера му принесува. Ангелите со пастирите го прославуваат, а мудреците со ѕвездата патуваат, зашто заради нас се роди дете младо, превечниот Бог". Започнува нова ера. Се извршува очекувањето на праведниците. Се остварува ветувањето на старозаветните пророци: "И ете, девица ќе зачне во утробата своја и ќе роди син, и ќе го наречат Емануил што значи: Господ е со нас!".

Христос се роди во тело. Синот Божји стана син човечки. Зошто? За да не направи и нас синови Божји. На земјата се роди оној кој е извор на целокупниот живот, цел на тој живот. Пред 2003 години во Витлеем Јудејски, во пештера, се роди Спасителот на светот Господ Исус Христос. "Се овоплоти од Светиот Дух и Марија Дева и стана човек". Пресвета дева стана Божја мајка, Богородица. Го пови младенецот во ленени пелени, "Му се поклони како на Бог и Создател и го положи во јасли". И стариот праведен Јосиф "Му се поклони на Божествениот плод на девствената утроба".

СОНЦЕ НА ПРАВДАТА

Господ Христос дојде меѓу луѓето за да ги
спаси сите и да ги повика во небесниот свет. Слезе на земјата за да
може човекот да се искачи на небото. "Роден од вечноста од Отец, без
мајка, се роди во времето од мајка без татко". Небото и земјата се
здружија. На земјата дојде вистинската светлина на светот, а преку
Неговото доаѓање ни засветли светлината на Отецот. Дојде Христос и го
озари светот со светлината на разумот. "Раѓањето Твое, Христе Боже наш,
го озари светот со светлина на знаењето; во неа, пак, оние што им
служеа на ѕвездите од ѕвездата се учеа Тебе да ти се поклонуваат, Сонце
на правдата, и да те познаат Тебе, исток на висините, Господи, слава
ти".

Ангел Господов ги известил на пастирите: "...денеска ви се
роди во градот Давидов Спасител, кој е Христос Господ". Небесните
ангелски војски запеале: "Слава на Бога во висините, а на земјата мир и
меѓу луѓето добра волја". Пастирите ги нашле Марија, Јосифа и
Младенецот кој лежи во јасли и му се поклониле како на "Месија и
Спасител". Трите мудреци од Исток (од трите големи човечки раси),
водени од Витлеемската ѕвезда која запрела над местото каде што се
родил Младенецот, го познале Бог и пред мајка му Марија, му се
поклониле како на "Цар над царевите". Од своите ковчежиња му принеле
дарови: злато, ливан и смирна.




HRISTOS SE RODI !!!

Kolede lede padnalo grede ,
utepalo dede , dede se maci ,
baba go kvaci ,
so cetiri jajca
tkr tkr Koledeeeeeeeeeeeeeeeeeeeeeee