Celiot ucen svet na ANTIKATA-vo Bibliotekata na ALEKSANDRIJA

Во ова библиотека на Александрија бил собран сиот учен свет на антиката, нешто од повикот и поддршката на науката од самите македонски кралеви на Египет, нешто од што и самите доѓале да разменуваат сознанија, информации, познанства и водат расправи.

Тука работел филозофот Ератостен кој уште пред 2 000 години докажал дека земјата е со тркалезна форма, потоа Хипарх кој го картографирал ѕвезденото небо и ги подредил ѕвездите према сјајот, па Еуклид кој ја систематизирал геометријата и останa познат што при решавањето на геометриски проблем на својот крал му рекол “Нема кралски пат до геометријата”.

Но тука бил и Диониз Тракијецот кој ги дефинирал деловите од говорот и извршил систематизацијат на јазикот, Херофил физиолг кој неприкосновено востановил дека мозокот а не срцето е средината на умот,па Херон од Александрија пронаоѓач на запчаниот преносник и автор на делото “Автомати”, прво дело воопшто за вакви работи.

Тука бил и Аполониј од Пергам – математичар кој ги одредил елипсата, параболата и хиперболата, криви по кои денес знаеме дека се движат планетите, кометите и ѕвездите, па Архимед – најголемиот математички гениј но и Птоломеј астроном и географ кој го создал најголемиот дел од она што денес го знаеме како астрологија.Но тука е и Хипатија последната и маченички загината учена за науката на античкиот свет, загинувајќи како последна по што е запалена библиотеката.

Александриската библиотека

Александриската библиотека покрај светилникот Фарос, била најголемото чудо на Александрија.

Денес од легендарната библиотека е сочувана само една влажна и заборавена визба т.н.р “Серапеум”, некогашен анекс на библиотеката, кој во почетокот бил храм а потоа ја променил својата намена во служба на знаењето.

Библиотеката ја основа Птоломеј I Сотер, син на Лаг, прв владетел на Египет и генерал од армијата на Александар Македонски, роден во 367 год. п.н.е . Од 323 год. п.н.е е гувернер на Египет и Либија а од 305 год. п.н.е владее како крал (биографијата во Енциклопедија-Enkarta, наслов-Ptolemy I). Библиотеката од формирањето во III век п.н.е, е во функција до разорувањето - седум векови подоцна. Таа е мозаик и срце на антиката, библиотекарите ги прелистувале сите култури и јазици во светот а ги праќале и соработниците по тогашниот свет за да откупуваат книги.

Трговските бродови кои пристигнувале во Александрија, детално биле прегледувани но не поради шверц но поради книги. Александриската библиотека е и најголемиот издавачки центар каде се позајмувале, препишувале рачно и преведувале книгите а потоа и им се враќале на сопствениците.

Иако денес точно не се знае колку имала книги оваа библиотека, на основ некои наоди,се претпоставува дека содржела околу половина милион папирусни примероци од дела испишани на рака. Изгорела во 415 год н.е во чудни околности, но трагите водат до тогашните Христијани (тука опширно за пожарот).